Filmsekvenco kun Zamenhof en la sveda televido

Dum programo en la sveda televido vendrede la 25-an de aŭgusto subite videblis L.L. Zamenhof dum kelkaj sekundoj, ridetanta kaj moviĝanta. La programo temis pri viraj kravatoj kaj la kravato de Zamenhof evidente vekis intereson ĉe la redaktoro de la programo. Ne estis menciite, ke temas pri Zamenhof. Sten Svenonius el la sudsveda urbo Malmö, kiu rigardis la programon kun sia familio, raportas, ke ili fariĝis tute ravitaj povi vidi Zamenhof vivanta.