KAMPANJO "ESPERANTO EN LA BIBLIOTEKOJN": 62-A SENDO EFEKTIVIGITA!

La kampanjo “Esperanto en la bibliotekojn”, auxspiciita de Kultura Kooperativo de Esperantistoj en Rio de Janeiro, Brazilo, jxus efektivigis la 62-an sendon de libro-pakajxo ekde gxia starigo en julio/2001.

Cxi-foje ricevis la librojn la Biblioteko de la Brazila Beletra Akademio, entute naux librojn de la monda kaj brazila literaturo tradukitajn al Esperanto, interalie, verkojn de Camões, Dante Alighieri kaj Machado de Assis.

Gxis nun ricevis librojn en aux pri Esperanto 52 brazilaj kaj 10 alilandaj bibliotekoj. La kampanjo estas komplete subtenata de malavaraj donacoj fare de deko da brazilaj esperantistoj.